इन्धन ल्याउन नेपाललाई बन्दरगाह प्रयोग गर्न दिन्छौं : बंगलादेशी राजदूत

काठमाडौं : नेपालका लागि बङ्गलादेशका राजदूत
मास्फी बिन्ते साम्सले नेपालले अन्य देशबाट इन्धन ल्याएमा
आफूहरुले बङ्गलादेशको चटगाउँ र मोङ्गला बन्दरगाह प्रयोग
गर्न अनुमति दिन सकिने बताएकी छन् ।
रिपोर्टर्स क्लबमा सोमबार आयोजित साक्षात्कारमा
राजदूत साम्सले नेपालमा आपूर्ति व्यवस्थापनमा असहज
स्थिति आएपछि नेपाली प्रतिनिधिमण्डल बङ्गलादेशको
भ्रमणमा गएको स्मरण गर्दै उनले उक्त कुरा बताएकी हुन् ।
राजदूत साम्सले नेपाललाई मंगला र चटगाँउ बन्दरगाह
प्रयोग गर्न भनिसकेको बताइन् । उनले नेपालले हवाई इन्धन
व्यापारका लागि पनि अनुरोध गरेकाले त्यसबारेमा
बंगलादेश सरकार सकारात्मक रहेको उल्लेख गरिन् ।
नेपाल र बंगलादेशबीच ब्यापार अघि बढाउन बंगलादेशका
सवारीसाधन नेपालमा आउनका लागि मोटर भेर्इकल
सम्झौता गर्नुपर्नेमा उनले जोड दिइन् ।
नेपालका मालवाहक साधनहरु बंगलादेश जानसक्ने भएपनि
बंगलादेशका सवारीसाधन आउन नपाउने भएकाले त्यसका
लागि दुर्इ देशबीच सम्झौता जरुरी रहेको बताइन् ।
राजदूत साम्सले रोहनपुर-सिहबाद हुँदै राधिकापुरसम्म
रेलको सुविधा पनि उपलब्ध भएकाले त्यही ठाउँबाट पनि
दुर्इ देशबीच व्यापारिक कारोबार गर्न सकिने उल्लेख गरिन्
।
उनले दुर्इ देशबीचको व्यापार विस्तारका लागि आफूहरुले
गरेको २०८ वटा बस्तुमा शून्य भन्सारको प्रस्तावलार्इ
नेपाल सरकारले अनुमोदन गर्नेमा आफू ढुक्क रेहको बताइन ।
सन् १९७१ को बंगलादेश स्वतन्त्रता आन्दोलनमा नेपालले
नैतिक र भौतिक सहयोग गरेको सम्झिँदै उनले बंगलादेशले
पनि नेपालमा भूकम्पपछि तत्कालै खाद्यान्न,
चिकित्सकहरु र औषधिसहित एक करोड २० लाख अमेरिकी
डलर बराबरको सहयोग गरेको जानकारी गराइन् ।
गत वर्ष बङ्गलादेशले ६० लाख अमेरिकी डलर बराबरको
विद्युतीय सामग्री र लुब्रिकेन्ट्सलगायतका ४० वटा
उत्पादन नेपालतर्फ निर्यात गरेको जानकारी पनि उनले
दिइन् ।